M İ R C A N
Cencê beno namê xo Mircan beno. Mircan esker ra teris beno, kuno
ra rae yeno ke bêro welatê xo. Rae ra rastê dewê yeno, zerê dewe ra vêreno ra niadano ke domanu leyirê mor gureto pê kaykenê. Heredino domanu ra leyirê mor cıra
ceno, ceno sono. Xeylê ke sono raste jü suke yeno,niadano ke çor kutıku gureto jü finik ra dormede yenê sonê era ser nêkunê. Verdano ve kutıku têra keno, finik çı ceno kuno ra rae sono. Zaf sono
senık sono rastê dewe yeno, niadano ke domanu leyire pısınge gureto
pê kaykenê. Leyirê pısınge ki domanu ra ceno, yeno çê xo. Na hire leyiru keno weyiye, eke rınd benê hewl rozê mor Mircan ra vano:
- Ez son çê.
Mircan vano :
- Eke sona, vınde ez tode berine çê to.
Mircan ve morya kunê ra rae sonê, mor Mican beno welatê moru. Mir-
can, niadano ke sayê moru taht'te nişto ro. Mor vano :
- Na moro ke taht'te nişto ro, piyê mıno. Eve xo çı sayê moruno.
Piya sonê leê sayê moru, mor, piyê xo ra vano:
- Bao, na ısani canê mı domanu dest ra xelesna, name xo Mircan o. na
Mircan ke nêbiyenê, ez nıka belka merd bi.
Sayê moru Mircan rê dua keno, Jü ki istane ( nistane ) bêçıka xora vezeno dano Mircan. Mircan nistane ceno. Cereno ra yeno welatê isanı, çê
xo.
Çêneka rındeke de zewejino. Pısıngeve kutıkiya zı, cırê xızmete kenê.
Mircan, jü arav ano çê hem cırê xızmete keno, hem ki şuwanên keno.
Cinika Mircan esqe na arav bena, dizdiya yenê têare, zumin ra has kenêRozê Mircan ve cinika xo ra kunê ra, Mircan nistane keno bınê balisnaxo ra. Cinike sewe lête de
urzena ra nistane bınê balisna ra cena. Arav
ki urznena ra kemera nistani çarnena, nistani ra kerameta wazena. Peê
kowu de hortê dengız de qonaxê ebe çevres oda tede bo. Wastena cinikeyena hurênd. Cinike ve arav ya remenê sonê. Soder Mircan urzeni ra
ke cinika xo çina! Binê balisna de niadano ke nistane ki çino. Mircan rêbeno derd, gineno cılro zaf gıra beno nêwes. Ê kutık u pısınge ki şaye gınena cigeru ro,
Kutık vano:
-Wayê sebıkeme ?
Pısınge vana :
- Bıra Kutık, ma gereke nistane bivinime biarime, Mircan nêweşiyê ra bıxeleşnime. Mircan ki canê ma xelesna, dênê sarê ma o.
Kutık vano :
- Waê, ala bi na qawaxe ro bì'onciye so gıl niade, ala cayê cinike ve Arav ya osenê ?
Pısınge, gawaxe ro oncina sona gıl niadana ke, hayê peê koyde hortê
dengij de gonaxê virasto tede rê. Pisinge qawaxe ra yena war, Kutık ra
vana:
- Bıra, hayê peê koy de hortê dengıj de qonaxê vırasto tede rê.
Kutık ve pısınga kunê ra raye sonê. Hot sew u hot rojı sonê, roza heştinê sonê kişta dengıji. Pısınge vana :
-Bıra, dengıj ra çütir derbaz beme some bover ?
Kutık vano :
- Wayê bi ero mı nise, ez azna erzen some bover gonax.
Pısınge nisena ro kutik, kutık azna erzeno sonê verê gonaxı. Dêsro onci-nê sonê serê bonê qonax. Corde lozıne ro sonê war. Niadanê ke, cinike
ve arav'ya lınge esta lınge ser, xizmerkar gure'ene, çefê xo çefo. Pısıngeve kutıka zere qonax de xo danê we. Sonde cinike ve şuwaney ( Arav )
ra ke sonê hewn ra, sewe lete de cinike sona tever. Pisinge xeleşina ra ni-stane binê balisna ra cena. Eve kutıka kunê ra rae yenê. Yenê kişta den-gij'i, kutık vano
:
- Wayê, nistane bıde mı!
Pısınge vana :
- Nê bıra, to wertê dengij de ( masan ) mose vinena damis nêdana lowe-na nistane dana waro, mıde vındo.
Pısınge nistane cena, nisena ro kutık, kutık azna erzeno sonê bover. Nis-tane benê danê Mircani. Mircan beno wes. Cinike u arav ya soder urzenê ra bınê balisna de
niadanê ke nistane çino, ah kenê wah kenê nistaneçino. Mircan, kêmêra nistani çarneno, cinike ve arav'ya peyser wazeno.A yê de cinike ve arav'ya uza de vecinê. Arav kiseno, cinike ki çê de
ke-
no hepis, Çor osteru heştê vêsa verdano. Xora sole dano cı. Hefte ra tepiya, osteru ano cinike osteru ra giredano. Osteru verdano ra, ostêr til be-nê cinike kenê
pırtlêy. Pırtleê aye top nêbenê. Mircan reyna cinika sıtopak lite ceno, sono reseno mırodê xo.
Vate : Bava seyd
Caê Vatene: Derê Çermi
Nıviskar : Usxan
Tarix : 1976
www.radiozaza.de